TON Hamyon

TON Hamyon nima

TON Hamyon bu TON tarmog'ida kastodial bo'lmagan hamyon yaratish xizmati. TON Hamyon interfeysi orqali siz hamyoningizni oson boshqarishingiz va TON ekotizimidagi uchinchi tomon xizmatlari bilan o‘zaro aloqada bo‘lishingiz mumkin. Faqat siz hamyoningizni boshqarasiz – shaxsiy kalit va maxfiy ibora faqat sizga ochiq bo‘ladi.

TON Hamyon yordamida siz Toncoin, shuningdek, TON tarmog'iga asoslangan NFT va tokenlarni yuborish va qabul qilish imkoniga ega bo‘lasiz.

TON Hamyonimdan qanday foydalanishim mumkin? Asosiy funksiyalari qanday

Sizning TON Hamyoningiz bu TON tarmog'ida chiqarilgan aktivlaringizni boshqarish va TON ekotizimidagi DeFi ilovalari bilan o‘zaro aloqada bo‘lishingizga yordam beradigan interfeysdir.

TON Hamyon bilan osonlikcha quyidagilarni amalga oshirishing:

  • Toncoin, Jetton va NFT'larni TON tarmoq manzillariga yuboring va qabul qiling.
  • Aktivlaringizni DeFi loyihalariga (masalan, TON Daromadi) yo‘naltirib, qo‘shimcha mukofotlarga ega bo‘ling.
  • TON Connect'ni qo'llab-quvvatlaydigan markazlashtirilmagan ilovalarga (dApps) ulaning.
  • TON Hamyon doirasida aktivlarni almashtiring.

TON Hamyon yaratish uchun Kripto Hamyonda akkauntim bo‘lishi kerakmi

Yo‘q, TON Hamyon yaratish yoki uni import qilish uchun sizga Kripto Hamyonda akkaunt kerak emas.

TON Hamyonni qanday yarataman

TON Hamyonni yaratish uchun Kripto Hamyonning bosh menyusidagi TON bo‘limiga bosing.

Agar Kripto Hamyon sizning mintaqangizda mavjud bo‘lmasa, siz TON Hamyonning bosh menyusiga yo‘naltirilasiz.

  1. Bosh ekranda TON tugmasini bosing. Bu sizni "TON Hamyoningiz" sahifasiga yo‘naltiradi.
  2. "Yangi hamyon yaratish"ni bosing.

  1. Siz TON Hamyon yaratganingizda, TON tarmog'ida kastodial bo'lmagan hamyon yaratiladi. Yaratish jarayonida, Maxfiy tiklash iborangizni yozib oling va TON Hamyonga kirish va tiklashni osonlashtirish uchun e-pochta manzilini ulang.
  • Qayta tiklash iborangizni albatta saqlab qo‘ying. U orqali siz TON Hamyonga istalgan qurilma yoki kastodial bo'lmagan TON manzillarini qo‘llab-quvvatlaydigan interfeysdan kira olasiz. Uni "Qo'lda zaxiralash" tugmasini bosgandan keyin saqlashingiz mumkin.
  • "E-pochta orqali zaxiralash"ni tanlasangiz, TON Hamyonni e-pochta orqali tiklash uchun e-pochtangizni ulashingiz mumkin. Bu qanday ishlashi haqida batafsil o‘qing.

Muhim: E-pochta manzilini ulagan bo‘lsangiz ham, Qayta tiklash iborangizni saqlab qo‘yishingizni tavsiya qilamiz. Faqat Qayta tiklash iborasi sizga qaysi Telegram akkauntidan foydalanganingizdan qat’i nazar, istalgan qurilmadan TON Hamyoningizga kirish imkonini beradi.

Qayta tiklash iborangizni xavfsiz tarzda saqlang va uni hech qachon hech kim bilan bo‘lishmang. TON Hamyon qo'llab-quvvatlash xizmati sizdan Qayta tiklash iborangizni hech qachon so‘ramaydi. 

  1. Qayta tiklash iborangizni tasdiqlaganingizdan so‘ng, "TON Hamyonni ko‘rish" tugmasini bosing.

Mavjud hamyon manzilini TON Hamyonga qanday import qilishim mumkin

TON Hamyon sizga mavjud TON tarmoq manzillarini import qilish imkonini beradi, shundan so‘ng ularga TON Hamyon ilovasi orqali kirish mumkin bo‘ladi. TON Hamyonni ochgandan so‘ng, "Hamyon yaratish yoki bishqasini import qilish" tugmasini bosing, so‘ng "Mavjud hamyonni qo‘shish"ni tanlang va import qilmoqchi bo‘lgan hamyoningizning Qayta tiklash iborasini kiriting.


E’tibor bering, faqatgina siz nazorat qiladigan maxfiy iboraga ega bo‘lgan kastodial bo'lmagan TON tarmog'i hamyonlari TON Hamyonga import qilinishi mumkin. Kastodial hamyonlar, masalan, birja platformalaridagi hamyonlar qo‘shilmaydi.

Men TON Hamyonga boshqa qurilmalardan kira olamanmi

Ha, mumkin. Boshqa qurilmada TON Hamyoningizga kirish uchun quyidagi imkoniyatlarga egasiz:

  • Mavjud bo‘lgan kastodial bo'lmagan TON Hamyoningizni yangi qurilmada uning Maxfiy tiklash iborasini kiritib qo‘lda import qiling. Batafsil ma'lumot
  • TON Hamyoningizni yangi qurilmada e-pochta orqali tiklang. Batafsil ma'lumot

Men TON Hamyonga nechta TON tarmog'i manzilini import qila olaman

TON Hamyon akkauntingizga bir nechta kastodial bo'lmagan TON tarmog'i manzillarini import qilishingiz mumkin. Biroq, TON Hamyoningizda bir vaqtning o‘zida faqat bitta hamyon manziliga kirish mumkin. TON Hamyoningizdagi kastodial bo'lmagan hamyonlar o‘rtasida oson almashish uchun e-pochta orqali tiklash funksiyasini yoqing, shunda har safar kirishda ularning qayta tiklash iboralarini kiritishingiz shart bo‘lmaydi.

Muhim: Tiklash uchun e-pochta manzilingizni qo‘shgan bo‘lsangiz ham, qayta tiklash iborangizni saqlashingizni qat’iy tavsiya qilamiz. Faqat Qayta tiklash iborasi yordamida siz TON Hamyonga har qanday qurilmadan, qaysi Telegram akkauntidan foydalanishingizdan qat’i nazar, kirishingiz mumkin. Istalgan vaqtda o‘zingizning Qayta tiklash iborangizni TON Hamyon Sozlamalari > "Zaxira & qayta tiklash iborasi" > "Iborani ko‘rish uchun bosing" bo‘limida topishingiz mumkin.

Men hozirgi TON Hamyonimni boshqasiga qanday o‘zgartira olaman

Buning uchun, siz joriy TON Hamyonni olib tashlashingiz kerak (ko‘rsatmalar bu yerda). Shundan so‘ng, Kripto Hamyonning asosiy menyusidan TON opsiyasini tanlab, boshqa TON Hamyon manzilini qo‘shing. Avval import qilingan barcha manzillar sizda mavjud manzillar ro‘yxatida ko‘rinadi, ulardan birini tanlab, "TON Hamyonini tiklash" tugmasini bosib ochishingiz mumkin.

Agar qo‘shmoqchi bo‘lgan manzilingiz ro‘yxatda bo‘lmasa, "Hamyon yaratish yoki bishqasini import qilish" tugmasini bosing.

Yangi manzil yaratish uchun "Yangi hamyon yaratish" tugmasini bosing. Mavjud hamyonni qo‘shish uchun ushbu ko‘rsatmalarga amal qiling.


TON Hamyonni qanday tiklashim mumkin

Siz TON Hamyonga kirishni uning qayta tiklash iborasi orqali yoki agar ilgari yoqilgan bo‘lsa, tiklash e-pochtasi orqali tiklashingiz mumkin.

Muhim: e-pochta orqali tiklash faqat siz e-pochta tiklash funksiyasini yoqganingizda ishlatgan shu Telegram akkauntingizdan TON Hamyonga kirganingizdagina mumkin. E-pochta orqali tiklash haqida batafsil ma’lumot oling.

Agar siz boshqa Telegram akkauntidan foydalansangiz, TON Hamyonni faqat Qayta tiklash iborasi yordamida tiklashingiz mumkin bo‘ladi.

Men TON Hamyonimni e-pochta orqali tiklashim mumkinmi

Agar siz ilgari TON Hamyonni sozlash jarayonida yoki TON Hamyon sozlamalarida e-pochta orqali tiklash funksiyasini yoqgan bo‘lsangiz, TON Hamyonga kirishni e-pochta orqali tiklashingiz mumkin. Asosiy sahifada kerakli manzilni tanlang va "TON Hamyonni tiklash" tugmasini bosing.

Shundan so‘ng, tizimga kirish uchun ro‘yxatdan o‘tgan e-pochtangizga tiklash kodi yuboriladi.

Muhim: e-pochta orqali tiklash faqat ushbu funksiyani oldin yoqqan aniq Telegram akkauntidan amalga oshiriladi. Agar siz bir nechta Telegram akkauntlaridan foydalansangiz, ammo TON Hamyonda bitta hamyon manzilingiz bo‘lsa, TON Hamyonga kirish uchun Qayta tiklash iborasi foydalanishingiz kerak bo‘ladi – chunki e-pochta orqali tiklash faqat bitta akkauntdan amalga oshiriladi.

Qanday e-pochta orqali tiklash funksiyasini yoqishim mumkin

TON Hamyon yaratilishi jarayonida "E-pocha orqali zaxiralash" tugmasini bosish orqali siz hamyoningizni tiklashning qo‘shimcha usuli sifatida, Qayta tiklash iborasidan tashqari, e-pochta manzilingizni qo‘shishingiz mumkin.

Agar siz allaqachon TON Hamyon yaratgan bo‘lsangiz, istalgan vaqtda sozlamalar orqali tiklash uchun email manzilini qo‘shishingiz mumkin. Agar siz allaqachon TON Hamyon yaratgan bo‘lsangiz, istalgan vaqtda Sozlamalar orqali tiklash uchun e-pochta manzilini qo‘shishingiz mumkin. Shundan so‘ng, siz ko‘rsatgan tiklash e-pochta manzilingizga tasdiqlash kodi yuboriladi. Tasdiqlangach, kelajakda TON Hamyoningizni tiklash uchun e-pochta manzilingizdan foydalanishingiz mumkin bo‘ladi.

Muhim: E-pochta orqali tiklash faqat siz Telegram akkauntingizga va ro‘yxatdan o‘tgan emailingizga kirish imkoniga ega bo‘lsangizgina ishlaydi. Biz sizga Qayta tiklash iborasini yozib olib, xavfsiz joyda saqlashni qat’iy tavsiya qilamiz, shunda TON Hamyonga kirish huquqini hech qachon yo‘qotmaysiz.

Qanday qilib tiklash e-pochtamni o‘zgartirishim mumkin

Hozirda siz faqat mavjud e-pochta manzilingizga kirish imkoniga ega bo‘lsangiz, bog‘langan e-pochtani o‘zgartirishingiz mumkin.

Agar sizda hozirgi e-pochtaga kirish imkoni bo‘lmasa, uni o‘zgartirib bo‘lmaydi. Bunday holda:

  1. O‘z e-pochta provayderingiz bilan bog‘lanib, pochta qutisiga kirish huquqini tiklang.
  2. Agar ilgari zaxira qilgan bo‘lsangiz, TON Hamyonga kirish uchun Maxfiy iborangizdan foydalaning.

🔒 Faqat joriy e-pochtaga kirish huquqi bo‘lgan foydalanuvchi TON Hamyon sozlamalarida uni o‘zgartirishi mumkin.


Agar kirish imkoniyati saqlanib qolgan bo‘lsa, bog‘langan e-pochta manzilingizni TON Hamyon sozlamalari orqali yangilashingiz mumkin.

Boshlashdan oldin joriy e-pochtangizga kirish imkoniyatingiz borligiga ishonch hosil qiling, chunki yangilash jarayonida unga tasdiqlash kodi yuboriladi.

E-pochtani o‘zgartirish bo‘yicha ko‘rsatmalar:

  1. TON Hamyonning yuqori o‘ng burchagidagi uch nuqtani bosing.
  2. Sozlamalar > Zaxira & qayta tiklash iborasi > Qayta tiklash e-pochtasini o'zgartirish o'ting.
  3. Hozirgi bog‘langan e-pochtangizga yuborilgan kodni kiriting.
  4. Kelajakda tiklash uchun ishlatmoqchi bo‘lgan yangi e-pochtangizni kiriting.

Muhim:

TON Hamyon bu kastodial bo'lmagan xizmat.

Faqat hamyon egasi e-pochta manzilini yangilashi mumkin.

Qo‘llab-quvvatlash jamoasi sizning Maxfiy qayta tiklash iborangizga, e-pochtangizga yoki boshqa shaxsiy ma’lumotlaringizga kirish huquqiga ega emas. Ular sizning e-pochtangizni yangilay olmaydi.

Qanday qilib TON Hamyonimni ayrim ilovalardan uzib qo‘yishim mumkin

Ilovani TON Hamyondan uzish uchun:

  • TON Hamyonning yuqori o‘ng burchagidagi uch nuqtani bosing va "Sozlamalar"ni tanlang.
  • "Bog'langan ilovalar" bo‘limini oching.
  • Uchun ajratmoqchi bo‘lgan ilovalaringiz ustidagi uzish belgisini bosing.

Shuningdek, "Hammasini uzish" tugmasini bosib, TON Hamyon hisobingizga ulangan barcha ilovalarni o‘chirishingiz mumkin. Agar keyinroq ilovaga qaytadan ulanish kerak bo'lsa, ilovaga kirib, TON Hamyon hisobingizni yana ulashingiz mumkin.

Qaysi kripto aktivlari TON Hamyonda qo'llab-quvvatlanadi

TON Hamyon sizga TON tarmog'ida chiqarilgan barcha aktivlarga, jumladan Toncoin, Jettonlar va NFT'larga kirish imkonini beruvchi interfeys taqdim etadi.

TON Hamyondagi investitsiyalarimning daromadliligini qayerdan ko‘rishim mumkin

Siz investitsiyalaringizning umumiy daromadini TON Hamyon asosiy menyusida umumiy balansingiz ostida, ma'lum bir tokenning daromadini esa asosiy menyuda tokenning yonida ko'rishingiz mumkin.

Ushbu maqolada TON Hamyondagi daromadlarni hisoblash haqida ko‘proq o‘qing.

TON Hamyonimni o‘chirishim mumkinmi

Siz TON Hamyonni o‘chirish uchun Sozlamalar > TON Hamyondan chiqish bo‘limiga o‘tishingiz mumkin.

Agar sizning Maxfiy qayta tiklash iborangiz saqlangan bo‘lsa yoki e-pochta orqali hisobni tiklash yoqilgan bo‘lsa, har doim istalgan hamyoningizga qayta kirishingiz mumkin bo‘ladi.

Eslatma: TON Hamyon orqali yaratilgan TON hamyon manzillari doimiy o‘chirib bo‘lmaydi – chunki bu manzillar TON tarmog'ida doimiy saqlanadi.

TON Hamyonimni o‘chirsam, nima bo‘ladi

TON Hamyonni o‘chirganingizda, sizning kastodial bo'lmagan TON tarmoq hamyoningiz ilovaning asosiy ekranidagi tegishli oynada endi ko‘rinmaydi. Biroq, sizning kastodial bo'lmagan hamyoningizdagi kripto aktivlar u yerda qoladi va agar kelajakda TON tarmog'i hamyonini tiklashga qaror qilsangiz, unga kirish imkoniyati mavjud bo‘ladi. Siz TON Hamyoniga kirishni uning Qayta tiklash iborasi yoki ilgari e-pochta orqali tiklashni sozlagan bo‘lsangiz, e-pochta orqali ham kirishni tiklashingiz mumkin. Siz, shuningdek, istalgan vaqtda TON Hamyonida yangi hamyon manzilini yaratishingiz yoki boshqa TON tarmog'i manzilini import qilishingiz mumkin.

Agar sizda kastodial Kripto Hamyon akkauntingiz bo‘lsa, u faol bo‘lib qoladi va TON Hamyonini olib tashlaganingizdan keyin ham undan foydalanishda davom etishingiz mumkin.


NFT/Jetton o'tkazmalari uchun komissiya qanday hisoblanadi

TON tarmog'ida komissiya to‘lovi o'tkazma boshlangani ayni paytda hisoblanadi, shuning uchun uni yuborishdan oldin aniq hisoblab bo‘lmaydi. Komissiyaga bir qancha omillar ta'sir qiladi, jumladan o'tkazma hajmi, tarmoq yuklamasi, qabul qiluvchi manzil holati va boshqa mezonlar. 

Shu sababli, NFT yoki tokenlarni yuborish uchun ko‘rsatiladigan yechib olish komissiyasi ushbu omillarni inobatga olib, biroz yuqoriroq belgilanadi. Ushbu ehtiyot chorasi o'tkazma vaqtida oshishi mumkin bo'lgan komissiyalarni qoplashni ta'minlaydi. Yechib olingandan so‘ng, NFT yoki Jetton o'tkazmalari uchun komissiyaga ajratilgan ishlatilmagan mablag‘ sizning TON Hamyoningizga qaytariladi.

Nega birinchi to'ldirishdan keyin "Shartnomani joylashtirish" o'tkazmasini ko'ryapman? Bu TON Hamyon tomonidan olinadigan komissiyami

Ushbu o'tkazma siz TON Hamyoningizni faollashtirganingizda sodir bo‘ladi va TON tarmog'ida kastodial bo'lmagan hamyon manzili yaratiladi. Bu bir martalik komissiya boʻlib, u TON tarmog'i tomonidan avtomatik ravishda olinadi va manzilingiz faollashishi uchun talab qilinadi.

Yuborilgan mablag'larni/aktivlarni qaytarib olish mumkinmi

Bir marta aktivlar yuborilgach, ularni qaytarib bo‘lmaydi, chunki TON tarmog'idagi o'tkazmalar yakuniy hisoblanadi va barcha taqsimlangan ledjer (blokcheyn) o'tkazmalari tabiatan qaytarilmaydi.

Men aktivlarni yuboradigan manzillar TON Hamyon tomonidan har qanday tarzda tasdiqlanganmi

TON Hamyon sizga TON ekotizimining turli uchinchi tomon funksiyalariga qulay interfeys orqali kirish imkonini beradi. TON Hamyonda uchinchi tomon kontentiga tayanish yoki uchinchi tomon xizmatidan foydalanish qarori sizning o‘zingizga tegishli bo‘lib, undan foydalanish uchun to‘liq javobgarlik sizga yuklatiladi. Bunday kontent yoki vositalarni taqdim etadigan uchinchi tomon bilan munosabat yoki muloqot to‘liq siz va ushbu uchinchi tomon o‘rtasida bo‘lib, TON Hamyon uni nazorat qilmaydi va tasdiqlamaydi.

Shuningdek, qabul qiluvchi manzil TON tarmog'ida chiqarilgan, to‘g‘ri va aniq ekanligiga ishonch hosil qilish sizning mas’uliyatingizdir.

TON Hamyon mening qurilmamda ishlamayapti

Qurilmangiz kerakli tizim spesifikatsiyalariga javob berishiga, operatsion tizimingiz va Telegram yangilanganligiga ishonch hosil qiling.

Agar qurilmangiz zarur tizim talablari bilan mos kelsa va Telegram so‘nggi versiyaga yangilangan bo‘lsa, lekin TON Hamyon qurilmangizda ishlamasa, quyidagi qadamlarni sinab ko‘ring:

  • TON Hamyonni yangilash uchun yuqori burchakdagi uch nuqtani bosib, "Sahifani qayta yuklash"ni tanlang.
  • Telegram ilovasini yoping va TON Hamyonni qayta oching. 
  • Tarmoqni o‘zgartiring: Wi-Fi’dan mobil ma’lumotga yoki aksincha o‘ting.

Agar ushbu qadamlar yordam bermagan bo‘lsa, nima qilishim kerak?

Muammo davom etsa, WebView keshini tozalashga harakat qiling:

  • Android qurilmangizda, qurilma ilovalari sozlamalariga kiring va Android tizimi WebView > Keshni tozalash tugmasini bosing.
  • iOS qurilmangizda Telegramni oching va pastki o‘ng burchakdagi "Sozlamalar" tugmasini 10 marta bosing, so‘ng "WebView Keshini tozalash"ni tanlang.

Muhim: Keshni tozalashdan oldin TON Hamyon Maxfiy qayta tiklash iborasini saqlang yoki elektron pochta bilan tiklash xususiyatini yoqing. TON Hamyon sozlamalarida, yuqori burchakdagi uch nuqtani bosish orqali Maxfiy qayta tiklash iborasini topishingiz yoki e-pochta orqali tiklashni yoqishingiz mumkin.

Men TON Hamyondan chiqara olmayapman. Menga "O'tkazmani tekshirib bo'lmadi" xatosi chiqyapti

Xato o'tkazma TON tarmog'iga muvaffaqiyatli yuborilmaganligini anglatadi.

Buning bir necha sabablari bo‘lishi mumkin, masalan: barqaror bo‘lmagan internet ulanishi, mablag‘ yetishmasligi yoki tarmoq bilan bog‘liq muammolar.

Buni hal qilish uchun quyidagi amallarni bajaring:

1. Boshqa internetdan foydalanib kripto yuborishga harakat qiling. Masalan, agar siz Wi-Fi’dan foydalangan bo‘lsangiz, uning o‘rniga mobil ma’lumotlardan foydalaning yoki aksincha.

2. TON tarmoq komissiyasi uchun yetarli Toncoin mavjudligini tekshiring. Komissiya 0.02 dan 1.05 TON miqdorigacha o'zgarishi mumkin.

3. Qurilmangizni qayta ishga tushiring va qaytadan urining.

4. Vaqtni avtomatik belgilash qurilmangizdagi xususiyat. Buni qurilmangizning "Sana va Vaqt" bo‘limida bajarishingiz mumkin.

5. Boshqa qurilmadan urinib ko‘ring — masalan, boshqa smartfon yoki noutbuk.

Agar ushbu qadamlar yordam bermasa, TON Hamyon hisobingizdan chiqib, Telegram ilovasining keshini tozalang, TON Hamyonga qayta kiring va o'tkazmani takrorlang.

Ilova keshini qanday tozalash kerak?

- iOS uchun: Telegram ilovasida Sozlamalar > Ma’lumotlar va Saqlash > Saqlashdan Foydalanish > Keshni tozalashga o'ting.

- Android uchun: Sozlamalar > Ilovalar > Telegram > Keshni tozalash, so‘ngra Sozlamalar > Ilovalar > Android tizimi WebView > Keshni tozalashga o'ting.

Muhim: Keshni tozalashdan oldin TON Hamyon Maxfiy qayta tiklash iborasini saqlang yoki e-pochta bilan tiklash xususiyatini yoqing. Ilovaning yuqori o'ng burchagidagi 3 nuqtani bosish orqali siz Maxfiy qayta tiklash iborasini topishingiz yoki TON Hamyon sozlamalarida e-pochta bilan tiklashni yoqishingiz mumkin.

Agar yuqoridagi ko‘rsatmalar muammoni hal qilmagan bo‘lsa, iltimos TON Hamyon qo‘llab-quvvatlash xizmatiga murojaat qiling. Bizning jamoamiz sizning holatingizni tekshiradi va keyingi qadamlar haqida sizni xabardor qiladi.

Men TON Hamyondan chiqara olmayapman. Menga "O'tkazma komissiyasini toʻlash uchun sizda yetarlicha TON mavjud emas" xatosi chiqyapti

Har bir taqsimlangan ledjer (blokcheyn) o'tkazmasi kripto aktivlar yoki to'plamlarni tarmoq orqali yuborish uchun tarmoq to‘lovi talab qiladi. TON tarmog'idagi barcha o‘tkazmalar uchun Toncoin'da tarmoq komissiyasi talab qilinadi. Masalan, agar siz Notcoin o‘tkazsangiz ham, TON tarmoq komissiyasini to‘lash uchun balansingizda biroz Toncoin bo‘lishi kerak.

NFT yoki jettonlarni TON Hamyondan muvaffaqiyatli o‘tkazish uchun, TON tarmoq komissiyasi sifatida TON Hamyon akkauntingizda kamida 1.05 Toncoin bo‘lishi kerak.

Agar balansingizda TON yetarli bo‘lmasa, TON Hamyoningizni quyidagi usullar bilan to‘ldirishingiz mumkin:

  • Toncoin'ni boshqa TON tarmog'i hamyonidan yoki markazlashtirilgan kripto birjadan (CEX) to'ldirishingiz mumkin.
  • Sizning Telegram kontaktlaringiz ham Toncoin'ni Telegram chat orqali yoki sizning hamyon manzilingizni ishlatib yuborishlari mumkin.
  • Bank kartangiz bilan TON sotib oling.

Menga kichik miqdorda TON bilan birga to'ldirish keldi, bu nima? Kimdir mening manzilimni qanday oldi

Bu "mayda-chuyda" o'tkazma bo'lishi mumkin.

"Mayda-chuyda" bu hamyon egalarini anonimlashtirish maqsadida bir guruh odamlar tomonidan turli shaxsiy hamyonlarga yuborilgan kichik miqdordagi tangalar yoki tokenlarni anglatadi. Taqsimlangan ledjerdagi (blokcheyn) o'tkazmalarni kuzatadigan va tasodifiy hamyonlarga mayda-chuyda yuboradigan turli xil botlar mavjud. Bunday botlar sizning ma'lumotlaringizni bilishlari shart emas. Ular tarmog'idagi faol (va shu sababli ko'rinadigan) har qanday manzilga "mayda-chuyda" yuboradilar.

Kichik miqdordagi kripto yuborish hujumiga uchramaslik uchun:

  • Taqsimlangan ledjerda (blokcheyn) "dust"ni almashtirmang va undan pul yechmang
  • Noma’lum havolalarga bosmang
  • TON Hamyoningizni shubhali ilovalarga ulamang va bunday ilovalarda hech qanday o'tkazmani tasdiqlamang.

Qaysi tashkilotlar TON Hamyonni ishlab chiqadi va qo‘llab-quvvatlaydi

TON Hamyon TON Space Ltd. tomonidan ishlab chiqilgan va qo‘llab-quvvatlanadi. (Seyshel orollari). Batafsil ma’lumot uchun TON Hamyonning Foydalanish shartlariga murojaat qiling.

TON Hamyon ichida mavjud bo‘lgan ba’zi xizmatlar uchinchi tomon xizmat ko‘rsatuvchi provayderlari tomonidan taqdim etiladi. Ular orasida fiat valyutasi orqali kripto aktivlarni xarid qilish, svoplar, kripto aktivlarni DeFi protokollariga to'ldirish va kastodial Kripto Hamyon interfeysi mavjud. Ushbu xizmatlar tegishli xizmat ko‘rsatuvchi provayderlarning shartlariga bo‘ysunadi.

TON Hamyon mustaqil xizmat bo‘lib, Telegram messenjer bilan bog‘liq emas.

TON Hamyon qaysi hududlarda mavjud

Foydalanish shartlariga muvofiq, TON Hamyon ayrim mamlakat va hududlarda mavjud emas.

Hozirda yoki odatda Kuba, Eron, Shimoliy Koreya, Suriya va tan olinmagan hududlarda, jumladan Qrim, Donetsk, Lugansk, Zaporojye viloyatlarida joylashgan yoki yashovchi, shuningdek shu hududlarda ro‘yxatdan o‘tgan foydalanuvchilar TON Hamyondan foydalana olmaydi.

Foydalanish shartlariga muvofiq, biz o'z ixtiyorimiz bilan va foydalanuvchilarga hech qanday komissiyasiz, qisman yoki to'liq, oldindan ogohlantirgan holda yoki xizmatlarimizning har qanday qismini to'xtatishimiz mumkin.

Bu sizning savolingizga javob berdimi? Fikr-mulohaza uchun rahmat Fikr-mulohazangizni yuborishda muammo yuz berdi. Iltimos keyinroq qayta urinib ko'ring.